Livre des sources médiévales:
INCIDENT AU COURS D'UNE CHASSE AU CERF (1523)
Ce document traite d'un incident survenu alors que le seigneur de
Saint-Félix-de-Pallières (Gard) faisait la chasse à
un cerf le jour de l'Epiphanie 1523 :
L'an mil cinq cent vingt troys et le vingt huitième
jour de février, nostre souveyran Prince le Roy de France, à
toutz soit chose manifeste que, comme noble Dandon Claret, seigneur de Sainct
Félix de Palières, fisse chasser à la grosse chasse
par aulcuns habitans du lieux et paroisse de Brozet et aulx fourés
dudit Brozet et à la ronde, et en chassant le jours des troys rois
jà passé, eusse meu un cerf, lequel fuyuroit long temps et
luy baileret la chasse tellement que le lassarer qu'il fust contraint soy
rendre au lieu ou près du lieu de Lèches lez Sommières,
là out les habitans du mas de Barret de la juridiction de Canes prendre
ledict cerf avecques aulcuns aultres leurs complices, et lui copparit la
gorge et tut incontinent, sans attendre le terme acoustumé en ce
présent pays de Salavès et Languedoc, qui est vingt quatre
heures et que sont requises de atendre le despartent, et le chacun en pourta
sa piéca, non ayans reguard à la suytle que ledict cerf avoyt
et que les veneurs estoient toujours après en chasse, et que piz est
on reffusé de rendre ledict cerf, peau et chier;
Sur quoy, à la requeste dudict seigneur de Sainct
Félix joinct avecques luy le procureur du Roy par vertu de certaignes
letres empétrées de la court présidialle, en ont esté
faictes infourmations et mesment par vertu d'icelles, lesdicts coulpables,
cest asavoir Jauffre Hostalier filz de Jean Hostalier, Jehan de Vic, Anthoine
de Vic du mas de Barret, de la paroisse de Fontanès près de
Sommières, ont esté contraints à le rendre ou la valeur
extimée à dix livres, et en ont esté prins de leurs
biens comme appert par procès sur ce faict, et comme après
lesdicts Jauffre et de Vic conoyssans avoyr mal preudé en deppartissant
ledict cerf dans ledict terme de vingtquatre heures, ayont faict supplier
et prier ledict seigneur de Sainct Félix que dusse son plaisir ne
plus procéder contre eulx, offrant de payer ledict cerf, despenses,
vaccations, intérest et domaiges;
Et aussi l'an et jour que dessus, au lieu de Saulve,
et en la maison de moy notaire soubsigné, soit venus et présentes
devant ledict seigneur de Sainct Félix, illec présent, cest
à scavoir lesdicts Jauffre Hostalier, Jehan de Vic et Anthoine de
Vic, lesquels disant avoir mal procédé en despertissant ledit
cerf dans ledict terme et le soy approprié, et ainsy luy ont offert
pour la valeur dudit cerf que pour les dans, domatges, intérets et
despenses et aultres vaccations, la somme de XXV livres tournois, et aussi
payer le greffier que a faictes lesdictes informations, et luy ont prié
que fust de son plaisir accepter ladicte oblation et somme, et ne leur demander
aultre chouse, se offrant que quand il vouldra fere chasser et chasser par
lui à leur despens, et de payer la despence de bouche des veneurs
par unque foys, laquelle offre aussi faicte ledict seigneur de Saint Félix
a accepté et confessé avoir eu et receu vingt ungne livre,
et lesdicts quatre livres, lesdicts Joufre, Jehan et Antoine Devis ont promis
de payer lesdictes quatre livres restants daussy à la fin du moys
de may, et avec ce, ledict seigneur de Saint Félix les a quittés,
et pour payer ladicte somme lesdicts Jauffre et de Vic en oblige toutz et
chacun ses biens à la cort présidial et des conventions de
Nysmes et de Salve, et ainsi ont juré sur Saints Evangiles de Dieu,
de leur gré, touché.
Ainsi a esté faict audit lieu de Salve et en
la maison de moy notère, et présences de Anthoine Pal de
Conqueyrac, N(...) Massip de Canhas, noble Jehan de Vézenobres, viguier
de Salve, Pierre Gaucelin de Cardenal, Alexis de Mons, Jehan Cossac, Ramon
de Piza et de moy Antoine Declaris, notaire.
Source: Archives Départementales du Gard, 2 E 64/429, notariat de
Sauve, minutes de Me Antoine Declaris. Transcription de Y. Du Guerny,
édité dans le "Lien des Chercheurs Cévennol", bulletin
trimestriel, n°84, année 1990, page 51.
Livre des sources médiévales: [xyxy]: text sources from the now defunct Arisitum website. Contact Paul Halsall, halsall@murray.fordham.edu if any text is here improperly.
These sources are now part of the Internet Medieval Sourcebook.
|
