Livre des sources médiévales:
19 juin 1209: Concession d'immunités faites par le comte de Toulouse
en faveur des eglises de différentes provinces.
Ego R. Dei gratia dux Narbone, comes Tholose et marchio Provincie, pro
anime mee remedio et progenitorum meorum, omnibus ecclesiis et domibus religiosis
provinciarum Viennensis, Aralatensis, Narbonensis, Auxitanensis, Burdegalensis
et Biturencis, immunitatem secundum statuta canonum et plenissimam libertatem
concedo, ita videlicet quo albergarias, procurationes, vel exactiones quascumque,
seu talias, nullo unquam tempore, per me vel per alios, requiram in eis,
et requirentes sive postulantes pro posse meo fideliter cohercebo. Defunctis
etiam earum episcopis vel rectoribus aliis, ipsas vel domos earum, per me
vel per alium, nullo modo spoliabo, nec administrationi earum seu custodie,
occasione alicujus consuetudinis, vel aliqua alia, me ullatenus inmiscebo,
sed omnia, sine diminutione aliqua, defunctorum successoribus reserventus.
Electioni etiam episcopi vel alterius rectoris ecclesie faciende, per me
vel per quamcumque personam, me nullatenus immiscebo nec aliquam violentiam
faciam, vel impedimentum prestabo, quominus electio canonice ac libere
celebretur. Preterea possessiones omnes et jura ecclesiarum et domorum
religiosarum, sicut decet catholicum principem, in prefatis provintiis totis
viribus protegam et defendam. Si quis autem contra prefatam immunitatem et
libertatem, a me indultam ecclesiis et aliis domibus religiosis, venire
presumpserit, ipsum pro posse meo viriliter cohercebo. Istam autem concessionem
et promissionem feci apud Sanctum Egidium, anno pontificatus domini Innocenti
pape III duodecimo, XIII kalendas julii, ad mandatum et exortationem magistri
Milonis domini Pape notarii, Apostolice Sedis legati. Ego Bertrandus Radulfi,
judex et cancellarius, hoc instrumentum sigillavi et eidem subscripsi: «
Cors mundum crea in me, Deus! ».
Sources: "Layettes du Trésor des Chartes" par Alexandre Teulet,
Paris, imprimeur-éditeur Henri Plon, 1863, Paris, tome I, page 332,
n° 876 (Archives Nationales, côte J 317 - Toulouse, VIII, n°
95 - copie authentique)
Livre des sources médiévales: [xyxy]: text sources from the now defunct Arisitum website. Contact Paul Halsall, halsall@murray.fordham.edu if any text is here improperly.
These sources are now part of the Internet Medieval Sourcebook.
|
