|
Livre des sources médiévales:
18 août 1321: Lettres de mainlevée contre les lépreux.
Ce document est une transcription latine du XVIIIe siècle (ce qui
explique les nombreuses erreurs de lectures et les mots manquants).
Philipus Dei gratia francorum et navarrae Rex. Senescallo bellicadri
vel eius locumtenenti salutem (...) Barones et alii alti justiciarii vestrae
senescalliae sententies abhominabile (...) detestabile leprosorum in mortem
nostram et omnium Christi fidelium machina (...) qui suis obesse non novit
misertus nostri sua propiciatione et pietate ineffabli (...) molientes ex
parte suae malignitatis conceptus cum puteis, fontibus, aquis et locis venenosis
ponebant et posuerant potiones sicut facti evidentia et non nullorum leprosorum
legitima confessio patefecit, ex quibus barones et justiciarii predicti turbati
non immerito et commoti in ardesientes quod actores tam flagitiosi sceleris
celeriter de medio tollerentur leprosos prout in suis reperiere districtibus
capientes eosdem sicut justum esse et adeos pervenerit credebant morti
deputaverunt eorum aliquos reliquos detinendo, verum quia nostro consilio
visumfuit omnium leprosorum regni nostri cognitionem et punitionem ad nos
tanquam pro laesae majestatis crimine pertinere pro executione jam facta
de ipsis barones et justiciarios ipsos ad emendam trahi mandavimus, et leprosos
superstites ad manum nostram poni et peream justiciam fieri de eisdem, sed
quoniam aliqui revocant in dubium an sit vel non majestatis laesae crimen,
et propter debatum deberemus in manu nostra tenere donec discussum esset
plenius et etiam terminatum, et sic negotium posset longius protelari. Nos
considerantes gravitatem delicti et quod festinam punitionem requirit, ac
reputantes de domino factum esse ut citius tanta aboleretur iniquitas praefatis
baronibus et justiciariis emendam si in aliqua nobis propter ea teneantur
de speciali gratia remittimus et quittamus, ac ut celerius promptiusque et
commodius sicut res exigit feudorum leprosorum superstitum nequitiosa putredine
terrae superficies abluatur ad huiusmodi leprosis superstibus de ampliori
gratia a moventes totaliter manum nostram, volumus et etiam concedimus quod
dicti barones et justiciarii leprosos ipsos prout in eorumerant districtibus
justicient et exequantur in eos debitum judicium ultionis. Volumus tamen
per hoc baronibus et justiciariis ipsis novum jus acquiri vel nobis prejudicium
generari. Quare mandamus vobis quatenus amota penitus dicta manu dictos barones
et justiciarios gratia huiusmodi gaudere pacifice permittentes ipsos contra
eam voluntatemque et confessionem praedictas non imprediatis, molestetis
vel quomodolibet inquietetis vel restituatis eis prout intererit cujuslibet
si qua de bonis suis capta sint propter ea vel saysita. Datum Creciaci, XVIIIa
die augusti anno domini M° CCC XXI°.
Sources: Archives Départementales de l'Hérault, Série
A, n° 4, folio 56 à 57 (fonds de la sénéchaussée
de Beaucaire et Nîmes - "Lettres de mainlevée du Roy contre
les lépreux du royaume accusez d'avoir empoisonné les eaux
des puids et des fontaines pour estre jugez et condamnez par les juges des
barons et des seigneurs des lieux").
Livre des sources médiévales: [xyxy]: text sources from the now defunct Arisitum website. Contact Paul Halsall, halsall@murray.fordham.edu if any text is here improperly.
These sources are now part of the Internet Medieval Sourcebook.
The Internet History Sourcebooks Project is located at the History Department of Fordham University, New York. The Internet
Medieval Sourcebook, and other medieval components of the project, are located at
the Fordham University Center
for Medieval Studies.The IHSP recognizes the contribution of Fordham University, the
Fordham University History Department, and the Fordham Center for Medieval Studies in
providing web space and server support for the project. The IHSP is a project independent of Fordham University. Although the IHSP seeks to follow all applicable copyright law, Fordham University is not
the institutional owner, and is not liable as the result of any legal action.
© Site Concept and Design: Paul Halsall created 26 Jan 1996: latest revision 20 Oct 2025 [CV]
|
