|
DOCUMENTATION OCCITANE
Octobre 1150 : Hommage pour les châteaux de Greden, Baldasse, Montrodad
et
Moriers (en Lozère) à Raimond Béranger IV, comte de
Barcelone et marquis de Provence.
Ego Girbertus ad te Raimon Berenger, comitem Barchinonensem et Provincie
marchionem, filium Dulcie comitisse, et ad nepotem tuum Raimundus Berengarium,
filium Beatricis comitisse, lo castel de Greden, las forzas que isson e che
faitas i sseran, no't tolrai, ni t'en tolrai, ni no'l te devedarai, ni no
t'en decebrai, ni om ni femna ab mon art ni ab mon engen, ni ab mo chonsel.
E ssi om era o femna ch'el te tolgess o t'en tolgess, ab achel ni ab achela
fi ni societad non auria ni tenria al teu dan, meu cient, fos pel castel
a recobrar, e dreitz aitoris t'en cerai per fe e ssans engan. E lai on recobrar
lo podrai, eu'l recobrarai, et in ta fedeltad lo tenrai. E sse tu'l me demandas
per te, o per tuum missum, o per tuos missos, eu'l te redrai sans logre de
ton aver e de ta onor, et adenant en euss sagrament te istarai e de somoniment
no m'en devedarai. Et aquel que per te m'en somonra, regard non i aura de
me ne de mo poder. Eu Girbertz a ti Raimund Berenger suprascripto, et ad
tuum nepotem Raimundum Berengarii prenominatum, tot aissi vos o tenrai e
us'o atendrai sine vestro engan. E per atretal conveneza, chon aici es sobrescrit
del castel de Greden, per atretal convenenza vos o tenrai e vos o atendrai
del castel de Baldasse; e per atretal covenenza del castel de Montrodad;
e per atretal covenenza el castel de Moriers, dos mes, genuer e febreir,
et el dos mes chedas en l'altra part, marz e jun, no us tobrai. Totum, sicut
suprascripum est, vos o tenrai et o atendrai eu Girbert per fed et sine engan,
per Deum et hec sancta quatuor Evangelia facto sacramento, mense octobri,
anno ab incarnacione Domini M° C° L°.
Sources: "Layettes du Trésor des Chartes" par Alexandre Teulet,
Paris, imprimeur-éditeur Henri Plon, 1863, Paris, tome I, page 65,
n° 107 (Archives Nationales, côte J 305 - Toulouse, III, n°
53 - original)
Livre des sources médiévales: [xyxy]: text sources from the now defunct Arisitum website. Contact Paul Halsall, halsall@murray.fordham.edu if any text is here improperly.
These sources are now part of the Internet Medieval Sourcebook.
The Internet History Sourcebooks Project is located at the History Department of Fordham University, New York. The Internet
Medieval Sourcebook, and other medieval components of the project, are located at
the Fordham University Center
for Medieval Studies.The IHSP recognizes the contribution of Fordham University, the
Fordham University History Department, and the Fordham Center for Medieval Studies in
providing web space and server support for the project. The IHSP is a project independent of Fordham University. Although the IHSP seeks to follow all applicable copyright law, Fordham University is not
the institutional owner, and is not liable as the result of any legal action.
© Site Concept and Design: Paul Halsall created 26 Jan 1996: latest revision 15 November 2024 [CV]
|
